සකල ලෝක සත්වයාම අනවරත මරණයේ දුක්ඛිත ගොදුරක් වී මේ රුදුරු ඝෝරතර භයංකාර සසරේ අගක් මුලක් නොදන්නා වූ ගමනක නිරත වෙති. සෑම අත්භවයකම අවසානයේ උරුමය මරණයමයි! සියලු ලෝ සතුන් මොහොතක් පාසාම මරණය කරාම ගමන් කරති. සත්වයා මරණයේ බන්ධනයෙන් මුදා හැරීමේ පරම උත්තරීතර කර්තව්‍යය උදෙසාම අසමසම බුදුවරු ලොව පහළ වෙති.

පාලියෙන් මත යනු මෘත – මළ – මරණීය යන්නයි. අමත යනු අමෘත – නොමළ – අමරණීය යන්නයි. ජරා මරණ සදහටම නිමා කිරීමට මග පෙන්වන්නා වූ ධර්මය වූ කලී අසමසම තිලෝගුරු සම්මා සම්බුදු පියාණන් වහන්සේ ලොවට දේශනා කරන්නා වූ ලොව්තුරු සද්ධර්මයයි! එම පරම උත්තරීතර ලොව්තුරු සද්ධර්මය ලොවට බෙදාදීම යනු ලෝක සත්වයාට සදාතනික අමරණීයත්වය ළඟා කරදීමයි, සත්වයා සියලු දුකින් අත මුදවා අජරාමර නිවන් ශාන්තිය උරුම කරදීමයි!

ලොව්තුරු අරණ දහම් මණ්ඩපය හා සබැඳි පින්වත් ශ්‍රාවක ඔබගේ නොමසුරු ධන පරිත්‍යාග හා ආධාර උපකාර ඇතිව උතුම් සම්මා සම්බුද්ධ සාසනයේ චිරස්ථිතිය උදෙසා 2021 වසරේ වෙසක් මස වැඩ ඇරඹි ශ්‍රී අරණ විහාරයේ මූලික අදියරේ ඉදිකිරීම් කටයුතු දැනට සිදු කෙරෙමින් පවතියි. අසරණ අනාථ ලෝක සත්වයා බියකරු සසර දුකින් අතමිදවීමට අති මහත් වෙහෙසක් ගෙන, උත්තරීතර නිවන් මග ලොව්තුරු තථාගත සම්මා සම්බුදු පියාණන් වහන්සේගේ ශ්‍රී මුඛ දේශනාවට අනුවම දේශනා කරන  ගෞරවනීය මාපලගම සුසිලවංශ ස්වාමීන් වහන්සේගේ ධර්ම දානමය කටයුතු සහ උතුම් සාසනික මෙහෙවර වෙනුවෙනුත්, සිව්දිගින් වඩින සිව්වනක් පිරිසගේ පරිහරණය උදෙසාත් පිදෙන මෙම උතුම් ආරාම පූජා පිංකමේ ඉදිරි කටයුතු සඳහා අත හිත දීමට පින්වත් ඔබට අවස්ථාවක් උදාවී ඇත.  

පරම නිර්මල ශ්‍රී සද්ධර්මය ලොව පුරා පතුරුවා හරින අන්තර්ජාතික බෞද්ධ මධ්‍යස්ථානයක් බිහි කිරීම අප සැමගේ අරමුණයි. දෙස් විදෙස් ශ්‍රද්ධා බුද්ධිසම්පන්න බෞද්ධ ජනතාවට නිසි ලෙස ශ්‍රී සද්ධර්මය ශ්‍රවණය කිරීම සඳහා වන උපරිම පහසුකම් සහිත ජාත්‍යන්තර ධර්ම ශාලාවකින් යුත් මෙම නව ආරාම පරිශ්‍රය, ශුද්ධ වූ අනුරාධපුර පූජා භූමියට යාබද කටුකැලියාව ගම්මානය මධ්‍යයේ පසුගිය වසරක් පුරා ඉදිවෙමින් පවතියි. මෙම විහාර කර්මාන්තය ඉක්මනින් නිමා කර, අසරණ මනුෂ්‍ය වර්ගයාට මේ භයංකාර ඝෝර කටුක සසර දුකෙන් සදහටම නිදහස්වීම උදෙසා අතහිත දීමට එක්වී පින්වත් ඔබටද එතුළින් නිරුපද්‍රිතව අප්‍රමාදීව උතුම් නිවන් මග වඩා පූර්ණය කර ගැනීම පිණිස ඉහළම නිශ්‍රය උපනිශ්‍රය සලසාගත හැකිය. මෙය ඔබට හිමිවන පරම දුර්ලභ අවස්ථාවකි!